Urtebetetzeak gure ikastolan!

Urtebetetze egunak umeentzat egun bereziak direnez, ikastolan ere ospatzen dira. Azaroan zehar hiru dira urteak betetzen dituzten haurrak; Unax, Unai eta Irati, hain zuzen ere.




Ondoren datorren irudian ikus daiteke klaseko kide guztien urtebetetzeak zein hilabetetan ospatzen diren. Irudi bera klasean bertan daukate, orman itsatsita. Honako hau hilabeteak lantzeko oso baliogarria da eta horretarako erabiltzen dute, besteak beste.





Gure ikastolan, urtebetetzeak arratsaldean ospatzen dira eta festa txiki bat egiten da. Primeran pasatzen dute haurrek eta gainera, urteak betezen dituenak etxetik gauzak ekartzen ditu; hala nola, bizkotxoa, batidoak... Elkarbanatzearen balorea lantzeko, goxoki poltsa indibidualik ez dituzte eramaten, jateko gauza guztiak denen artean konpartitzeko.


Askaria eta gero, klaseko kide guztien artean oparitxo bat egiten diote urteak betetzen duen haurrari: gainontzeko haur guztiak marrazki bat egiten diote eta irakasleak, marrazki horiek bilbu eta karpetatxo polit bat egiten dio. Hona hemen azkenengo urtebetetzean egin zituzten marrazki batzuk:


BubbleShare: Share photos - Craft Ideas

Hiru txerriren txerrikeriak

Eskolara etorri berria den otsokume baten eta txerritxo baten arteko adiskidetasun samurra agertzen zaigu liburu honetan. Bi animalia horien harremanek gidatuko dituzte liburuaren hariak. Itxuraz indartsuena sartuko da ahularen azalean, hortik sortuko dira jazarpenari aurre eginez, adiskidetasunaren legeak: laguntza, babesa, dibertsioa... Ilustrazioak azpimarragarriak dira; batez ere, pertsonaien sentimenduak islatzen dituztelako perspektiba joko desberdinak erabiliz. Ipuin honen moldaketaren antzerkia ikusi nahi baduzue, hementxe aurkituko duzue bideoa, txontxongiloekin egina:

Webquest: Animaliak ezagutzen!

Link hau sakatuz gero, unitate didaktikoa osatzeko proiektu bat ikusiko duzue. Internetez baliatuz, guztiok batera animalien inguruko lantxo bat egitea da proposatzen dizueguna.

Unitate didaktikoaren azken xedea

Dagoeneko unitatea amaitzear dago.

Gaur, ikastolara joan gara eta gaia ixteko egin duten lana erakutsi digute. Hasierako ideia mural bat egitea zen, baina aurten ideia politago bat izan dute: haurrek etxetik basoko animalien jostailuak ekarri, eta deneon artean, paisaia bat irudikatu dute.

Horretarako, atzekaldean baso bat marraztu dute denon artean eta lurrean ibai bat margotu eta hostoak itsasi dituzte, bertan animaliak ipintzeko.
Oso ideia ona iruditu zaigu, etxe eta ikasltolaren arteko elkarlana sustatzen duelako.

Gainera, umeei euren sormena libreki garatzeko aukera ematen die, irakasleen ustetan, mural bat egitea gidatuta dagoen ekintza bat denez, euren motibazioa txikiagoa da. izan ere, bi klaseetako paisaiak ikusi ditugu eta konturatu gara bata eta bestearen arteko desberdintasuna nabaria zela, argazkietan ikusi daitekeen bezala.

Honetaz gain, haurrek ekarritako materialekin (argazkiak, aldizkariak, ipuinak...) kuadernotxo bat egin dute idazkera eta lexiko berria ikas dezaten.

Hona hemen 5 urteko haurrek osatu dituzten paisaiak:


BubbleShare: Share photos - Find great Clip Art Images.

Hauek dira unitatea lantzeko erabili izan dituzten fitxa batzuk

Hona hemen animaliak lantzeko ariketatxo batzuK

Animaliak ingelesez ikasten!!

Basoko animaliak lantzen ari direla aprobetxatuz,ingeles klaseetan ere animalien izenak lantzen ari dira gure umeak, loturak ezarri ditzaten.
Power Point-a slideshare-tik hartu dugu, euskeraz gain haur hezkuntzan ingelesa ikastea beharrezkoa dela uste dudalako.

Vocabulary Animals Oral 3r

View SlideShare presentation or Upload your own.

Basoaren lasaitasuna

Bideo honetan, basoan topa ditzakegun paisaia mota ezberdinetako argazkiak ikusi ahal ditugu, benetako basoan murgiltzen gaituzten txorien kantak entzuten ditugun biratean.

Basoko Animaliak

BubbleShare: Share photos - Find great Clip Art Images.



Hona hemen unitate didaktikoan zehar landuko den ipuinetako baten bideoa; "SUGAI DRAGOITXOA", hain zuzen ere.



Hemen daukagu beste ipuintxo bat, oso egokia dena unitate didaktiko hau lantzeko ipuinaren testuingurua basoa delako. Hona hemen "HANKAK NAHI ZITUEN SUGEA"-ren ipuina, espero dugu zuen gustokoa izatea!!

Egonaldiaren ondorengo ekintzak

Lapurriketako baserri eskolan egindakoari jarraipena eman nahian eta egonaldi hau anekdota hutsean geldi ez zedin, ikastolara bueltatzean umeekin ekintza hauek egingo dira:
- Gelan heziak erein
- Landareak zaindu eta heuren beharrak barneratu: ureztatzea, argitasuna...
- Multzotan animalien sailkapenak egin ezaugarrien arabera: lau hanka dituztenak, lumak dituztenak, mokoa daukatenak...
- Barazkien album bat egin: porruak, tipulak, azenarioak...
- Barazkien erakusketa bat antolatu eskolako ikasle guztiek ikus dezaten
- ...


Honetaz aparte, honako fitxa hauek beteko dituzte norekin jan eta norekin lo egin duten gogoratu dezaten.

BubbleShare: Share photos - Craft Ideas

Egonaldiaren tenporalizazioa eta ekintzak

BubbleShare: Share photos - Find great Clip Art Images.

Egonaldiaren aurreko ekintzak

Lapurriketara joan baino lehen klasean hainbat ipuin jorratu zituzten ("Ainhoa Oiloa", "Baratzeko ahuntz txikia" eta "Txoria eta pinua". Eta hauekin lotuta hiztegi, olerki eta abesti batzuk landu zituzten. Ipuin hauek aukeratzearen zergatia ipuin bakoitzak ingurugiroaren aspektu ezberdin bat ikutzen dutela da.

Adibidez, lehenengoan gariaren eraldaketa prozesua azaltzen da eta era berean, baserriko animali batzuren bidez nekazal munduan beharrezkoa den elkarkidetasuna adierazten du.
Bigarrenean, ingurune fisiko-naturalaren ezagupenean sakontzen da eta barazki batzuen arteko ezberdintasunak bereizten dira.
Hirugarrenak, bertako zuhaitz ezberdinen ezagupena eta urtaro bakoitzean ematen diren aldaketak lantzen ditu.

Honetaz aparte, Lapurriketara joan baino lehen fitxa bat bete zuten haurrek; noiz, nola eta norekin kontzeptuak landuz.

BubbleShare: Share photos - Craft Ideas

Lapurriketara goaz!

Urriaren 7an, "LAPURRIKETA" basetxe eskolan egon ziren gure haurrak bi egun. Lapurriketa baserria hezkuntzarako aukera bat da, ingurugiroko heziketaren zerbitzuan dago eta.
Sentikortasun prozesu bat sortzea eta gizona, gizartea eta izadiaren artean oreka biologiko baten behartasunaz kontzientziatzea da Lapurriketaren helburua. Urkiola eta Gorbeiako Parke Naturalen artean dago, neurri gabeko balore ekologikoa duen gune batetan kokaturik.





Gurasoei bidaliko oharra:



(ARGAZKIETAN SAKATUZ GERO, IRUDIAK HANDITZAN DIRA)

Gela arrunta

Bost txokoetan zatituta dago gela:

1. Matematika txokoa: Gaitasun logiko eta aritmetikoak lantzeko gunea da eta testu liburua erabiltzen den txoko bakarra dugu.

2. Lengoaia txokoa: Irakurketan eta idazketan trebatzeko lekua da. Bertan, haurrentzako liburuez gain, arbel zuri bat daukate euren idazketa hobetzeko.

3. Eraikuntza txokoa: Gaitasun motoreak eta erlazio espazialak lantzen dira batez ere.

4. Txoko librea: Honetan, euren kabuz jolasteko aukera dute, puzzleekin, panpinekin, mahai jokuekin...

5. Plastika txokoa: Trebetasun plastikoak zein irudimena eta sormena lantzeko material aproposa dago bertan.



Txokoetan egoteaz gain, klasean, asanbladak, (gela erdian eserita egoteko lekua dute), ingleles saioa eta ipuin kontalaria egiten dute. Gainera, noizbehinka ordenadorea erabiltzen dute, ipuinak ikusteko edota jolasteko.


Hona hemen 5 urteko gelan ateratako argazki batzuk:

Musika gela

Astero bi aldiz joaten dira musika gelara eta 45 minutuko saioak dira. Saio hauek beste eraikuntzan izaten dira (Lehen Hezkuntzako eraikinean).

Bideo gela

Astean behin joaten dira bideo gelara eta hantxe, irakasleak edota haurrek proposaturiko bideoak ikusten dituzte. Beti ere, bideo hauek klasean emandako gaiekin lotura izan behar dute.

Psikomotrizitate gela

Astero bi aldiz gela honetara etortzen dira psikomotrizitate saioa egitera. Bertan, material hauek aurkitu daitezke:

• Koltxonetak
• Horma-barrak
• Bloke bigunak
• Joku sinbolikorako materiala
• Uztailak
• Sokak
• Eraikuntza piezak
• Material txikienarentzako armairua
• Ispilu handi bat euren burua eta mugimenduak ikusi ahal izateko
• ...

Ikastetxearen kokapena

Espoz y Mina kalea z/g
Lakua auzoa
01010 (Gasteiz)

Kaixo!

Kaixo!!! Bea eta Garazi gara, Gasteizko Irakasle Eskolan Haur hezkuntzako azkenengo kurtsoko ikasleak. Blog honetan, Barrutia Ikastolako 5 urteko umeekin egiten diren hainbat ekintza aurkeztuko dizkizuegu, gela barruan lantzen dena ikusteko aukera eskeiniz.